№41 დადგენილება: რა მოთხოვნებს აწესებს კანონი შენობა-ნაგებობების სახანძრო უსაფრთხოებაზე

საქართველოში მოქმედი №41 დადგენილება შენობა-ნაგებობების უსაფრთხოების არაერთ მნიშვნელოვან მოთხოვნას განსაზღვრავს, მათ შორის — სახანძრო უსაფრთხოებასთან დაკავშირებულ საკითხებს.

პრაქტიკაში ობიექტის ჩაბარებისას ერთ-ერთი მნიშვნელოვანი პრობლემა სახანძრო უსაფრთხოების მოთხოვნებთან შეუსაბამობაა. განსაკუთრებით საყურადღებოა შემთხვევები, როდესაც საპროექტო დოკუმენტაცია ობიექტის რეალურ მდგომარეობას არ შეესაბამება.

რა დარღვევები გვხვდება ყველაზე ხშირად?

პირველი — პროექტისა და რეალური მდგომარეობის შეუსაბამობა.
პრაქტიკაში ხშირად გვხვდება შემთხვევა, როდესაც სახანძრო სისტემები ობიექტზე ჯერ არ არის დამონტაჟებული, ხოლო წარმოდგენილი პროექტი რეალურ მდგომარეობას არ შეესაბამება. ასეთ დროს პროექტის შესაბამისობისა და შეთანხმების საკითხები დამატებით გადამოწმებას საჭიროებს, ასეთ დროს პროექტის შესაბამისობისა და შეთანხმების საკითხები დამატებით გადამოწმებას საჭიროებს, რაც ართულებს ობიექტის ჩაბარებას და სამუშაოს მოცულობის წინასწარ განსაზღვრას.

მეორე — სისტემების გაუმართაობა ან არასრულად შესრულება.

სახანძრო სიგნალიზაცია, კვამლგაწოვა და ვენტილაცია გამართულად უნდა მუშაობდეს. მხოლოდ სისტემის დამონტაჟება საკმარისი არ არის — მნიშვნელოვანია, რომ ყველა საჭირო კომპონენტი სათანადოდ იყოს დამონტაჟებული და სისტემა რეალურად ასრულებდეს თავის ფუნქციას.

მესამე — ტექნიკური მომსახურების უგულებელყოფა.
სახანძრო სისტემის გამართულად მუშაობისთვის აუცილებელია მისი პერიოდული შემოწმება, ტესტირება და ტექნიკური მომსახურება. თუ ეს პროცესი დიდი ხნის განმავლობაში არ ტარდება, სისტემის ხარვეზი შესაძლოა მხოლოდ ინსპექტირების დროს გამოვლინდეს.

რა რისკებთან შეიძლება გქონდეს საქმე?

დარღვევის აღმოჩენის შემთხვევაში შედეგი კონკრეტულ გარემოებებზეა დამოკიდებული და შეიძლება მოიცავდეს ხარვეზის გამოსწორების მოთხოვნას, შესაბამის ადმინისტრაციულ პასუხისმგებლობას ან სხვა ზომებს.

ახალი ობიექტებისთვის საკითხი კიდევ უფრო მნიშვნელოვანია: უსაფრთხოების მოთხოვნებთან შეუსაბამობამ შეიძლება გავლენა მოახდინოს ობიექტის ექსპლუატაციაში მიღების პროცესზეც.

მოქმედი ბიზნესისთვის გაუმართავი ან მოთხოვნებთან შეუსაბამო სახანძრო სისტემა მხოლოდ ჯარიმის რისკი არ არის — პირველ რიგში, ეს ადამიანების უსაფრთხოებას ეხება. ამიტომ მნიშვნელოვანია, შესაძლო ხარვეზები დროულად გამოვლინდეს და გამოსწორდეს.

როგორ ეხმარება „პროტექი“ ობიექტებს?

ჩვენი გამოცდილებით, ხარვეზების დროული გამოვლენა და მათი ეტაპობრივად გამოსწორება ბევრად ეფექტურია, ვიდრე პრობლემის მხოლოდ ინსპექტირების დროს აღმოჩენა.

ამისთვის ვიწყებთ ობიექტის არსებული მდგომარეობის შეფასებით — ვამოწმებთ სისტემებს, საპროექტო დოკუმენტაციას და ვადგენთ, რა ხარვეზებია გამოსასწორებელი და რა საკითხებს სჭირდება დამატებითი ყურადღება. საჭიროების შემთხვევაში, ვმუშაობთ საინჟინრო პროექტირებაზე, სისტემების მოწესრიგებასა და შესაბამისი დოკუმენტაციის მომზადებაზე.

ჩვენ ასევე ვუზრუნველყოფთ პერიოდულ ტექნიკურ მომსახურებასა და სისტემების შემოწმებას, რათა ისინი მუდმივად გამართულ მდგომარეობაში იყოს.

სახანძრო სისტემის დაყენება მხოლოდ პირველი ნაბიჯია. მნიშვნელოვანია, რომ ის სწორად იყოს შესრულებული და გამართულად მუშაობდეს.

თუ გსურთ, წინასწარ შეაფასოთ თქვენი ობიექტის მდგომარეობა და გამოავლინოთ შესაძლო პრობლემები, დაგვიკავშირდით — „პროტექის“ გუნდი დაგეხმარებათ არსებული მდგომარეობის შეფასებასა და შემდგომი ნაბიჯების განსაზღვრაში.